جمال و وصفات

نصائح لاول زيارة لاهل العريس – الخطبة-

كيما وعدتكم يالبنات ، هاني وفيت بكلمتي ونتمنى نفيدكم بهاد النصائح المتواضعة، ولتعم الفائدة، ارتأيت انني ننزل الموضوع بعنوان مستقل وله دلالة مباشرة ، ايوا بارك علينا من كثرة الكلا م،على بركة الله ؛)
نبداو بللعروسة هي الأولى :

فيما يخص اللباس ، فمن الأحسن تلبسي شي قفطان مزيون و خفيف بشي لون فاتح زاهي، مع البليغة ديالو ، والماكياج يكون حتى هو خفيف بزاف بزاف ، باش تكون طبيعية .

فيما يخص الإستقبال ديال الناس لي جايين يخطبوو، من الأحسن أن الأسرة ديالك هي لي تكلف بهاد المهمة ، يعني الأب أو الأم أو الأخ … من الأحسن أن البنت ماتبانش من الدقيقة الأولى، تعمل شوية تقالة.

وفيما يخص التعامل في وقت اللقاء ، البنت ماشي خصها تكون مخلوعة مرعودة ماعارفة واش تسبق ولا توخر، وكذلك ماتكونشي مطلوقة وزاعمة بزاف، خير الأمور أوسطها، البنت تحافظ على الحشمة والحياء ديالها بدون ماتبدا تتلف وتحمار وتخضار ؛)
وهم أهم شيء، هو أنه البنت فهاداك النهار لي  يجيو فيها عائلة خطيبها، تنوض تصلي صلاة الفجر ديالها وتقرا سورة يس ، وتدكر مولاها وتسئل العلي القدير أنه يقدم لي فيه الخير !!!

 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق